×
Telegram

Подпишитесь на наш Telegram-канал

Будьте в курсе последних новостей и обновлений!

Подписаться

Европа "молиявий бошпанага" айланмоқдами?


Қимматли қоғозлар

АҚШда қимматли қоғозларининг даромадлилиги ошаётганлигига қарамасдан доллар кучсизланишда давом этмоқда (одатда тескариси юз берар эди). Европада эса тескари ҳолат, Германия қимматли қоғозлари даромадлилиги пасаяётган бўлишига қарамасдан евро долларга нисбатан мустаҳкамланишда давом этмоқда.

Хусусан, апрел ойида евро долларга нисбатан тахминан 5 фоизга мустаҳкамланди. Шунингдек АҚШнинг икки йиллик қимматли қоғозлари даромадлилиги Германияникидан тахминан 2 фоиз бандга юқори шаклланмоқда (март ойи бошида бу фарқ тахминан 1,7 фоиз банд эди). Яъни АҚШдаги нисбатан юқори фоиз ставкалари ҳам АҚШга капитал оқимини ошириш учун етарли бўлмаяпти.

Яъни инвесторлар АҚШдаги ҳозирги ноаниқликлар фонида Европа мамлакатларини (Хусусан Германияни) "молиявий бошпана" сифатида кўришни бошлаётгандек.